ललितपुरमा एकैपरिवारका पाँच जनाको मृत्यु
ललितपुरको कोञ्ज्योसोम गाउँपालिका–४ मा एकै घरमा चार जना मृत भेटिएका छन् । त्यस्तै थप १ जनाको उपचारको क्रममा मृत्यु भएको छ ।
प्रहरीका अनुसार ४ जनाको घटनास्थल र एक जनाको उपचारको क्रममा मृत्यु भएको हो ।
मृत्यु हुनेमा ९ वर्षीय आशिष, २३ वर्षीया सुष्मा, ५५ वर्षीया काइँली स्याङ्तान रहेका छन् ।
त्यस्तै ७ वर्षीय आस्माको पनि मृत्यु भएको छ । प्रहरीका अनुसार उपचारको क्रममा दुई दिनको अर्का एक नाबालककोसमेत मृत्यु भएको छ ।
गम्भीर रहेका २२ वर्षीय शुभ तामाङको उपचार भइरहेको बताइएको छ ।
घटनाबारे थप अनुसन्धान भइरहेको प्रहरीले जनाएको छ।
