९ किलो गाँजा सहित नवलपुरमा एक जना महिला पक्राउ
नवलपुर । पूर्वी नवलपरासीमा नवलपुुर प्रहरीले ठूलो परिणाममा लागुऔषध गाँजा सहित एक जना महिलालाई पक्राउ गरेको छ ।
कावासोती १ रिठ्ठेपानीको तिवारी कटेजमा लागुऔषध गाँजा विक्री गर्न लागिरहेको अवस्थामा प्रहरीले एक जना महिलालाई ९ किलो गाँजा सहित पक्राउ गरेको हो ।
पक्राउ पर्नेमा कावासोती १ निवासी ४५ बर्षीया माया तिवारी रहेका छन् ।
कटेजमा लागुऔषध गाँजा विक्री वितरण भईरहेको भन्ने सूचनाको आधारमा विशेष टोलीले खानतलासी गर्दा पक्राउ गरेको हो ।
घटनाको थप अनुसन्धान भईरहेको जिल्ला प्रहरी कार्यालय नवलपुरका प्रहरी नायव उपरीक्षक दिलीपकुमार गिरीले बताए ।
