गोली लागेर १ जनाको निधन, चार जना पक्राउ
डडेल्धुराको सामुदायिक वनमा जङ्गली जनावर मार्नका लागि थापेको भरुवा बन्दुकको पासोबाट गोली लागेर ४५ वर्षीय पुरुषको मृत्यु भएको छ ।
प्रहरीका अनुसार गन्यापधुरा ४ का दलबहादुर पानलाई सोही बन्दुकको गोली लाग्दा मृत्यु भएको हो ।
प्रहरीका अनुसार पानको डडेल्धुरा अस्पताल लैजाँदै गर्दा बाटोमा नै मृत्यु भएको हो । घटनामा संलग्न ४ जनालाई प्रहरीले नियन्त्रणमा लिई घटनाबारे आवश्यक अनुसन्धान गरिरहेको बताएको छ ।
जिल्ला प्रहरी कार्यालय डडेल्धुराका डीएसपी देवेन्द्र पालकाअनुसार दलबहादुरको डडेल्धुरा अस्पताल लैजादैँ गर्दा बाटोमा नै मृत्यु भएको हो। उनको शव अस्पतालमा राखिएको छ।
नियन्त्रणमा लिइएकाहरुको परिचय भने प्रहरीले खुलाएको छैन।
