माओवादी केन्द्र गण्डकी प्रदेश उपाध्यक्षमा नवलपुरका विहानी, सहमति नजुटेपछि निर्वाचनबाट पदाधिकारी चयन

नेकपा माओवादी केन्द्र गण्डकी प्रदेशको पदाधिकारी चयनका लागि भएको सहमतिको प्रयास असफल भएपछि निर्वाचनबाट पदाधिकारी टुंग्याइएको छ ।

पोखरा महानगरपालिका–१२ स्थित मार्फा थकाली समाज घरमा हिजो देखि शुरु भएको दोस्रो पूर्ण बैठकमा पदाधिकारी चयन गर्ने एजेण्डा थियो । पदाधिकारी चयनका लागि सहमति हुन नसकेपछि बुधबार नै साँझ नै मतदान भएको हो ।

मतदानबाट नवलपपुरका मित्रशरण शर्मा विहान उपाध्यक्षमा निर्वाचित भएका छन् । त्यसैगरी उपाध्यक्षमा संविधान सभा सदस्य (पर्वत) गुणाखर बस्याल र ज्ञामनाथ गैह्रे (वाग्लुङ) निर्वाचित भएका छन् । ३ उपाध्यक्षका लागि ७ जनाको उमेदवारी परेको थियो ।

त्यसैगरी सचिवमा गोर्खाका जगन्नाथ खनाल विजयी भएका छन् । १ सचिवका लागि दुई जनाको उमेदवारी परेको थियो । त्यसैगरी सहसचिवमा लम्जुङ्गका मेखबहादुर भण्डारी, तनहुका अतिन्द्र केशरी न्यौपाने र म्याग्दीका टेकबहादुर विक विजयी भएका छन् । ३ सहसचिवका लागि ६ जनाको उमेदवारी परेको थियो ।
त्यसैगरी कोषाध्यक्षमा स्याङ्जाका तारा भुसाल विजयी भएका छन् । १ कोषाध्यक्ष पदका लागि ३ जनाको उमेदवारी परेको थियो ।

अध्यक्ष भने यस अघि नै सहमतिमा टुंग्याएको थियो । मंसिर २७ गते सम्पन्न अधिवेशनले कास्कीकी गायत्री गुरुङलाई अध्यक्षमा चयन गरेपनि अन्य पदाधिकारी चयन गर्न सकेको थिएन ।

मत परिणामको विवरण