मध्यविन्दु नगरप्रमुखमा एमालेबाट अधिकारी उम्मेदवार
चोरमारा । नवलपरासी पूर्व नवलपुरको मध्यविन्दु नगरपालिकाको मेयर पदमा नेकपा एमालेबाट भिमलाल अधिकारीको नाम सर्वसम्मत सिफारिस भएको छ ।
मध्यविन्दु नगरपालिकाको मेयर पदमा भिमलाल अधिकारीको नाम सर्वसम्मत सिफारिस भएको एमाले नवलपुर जिल्ला अध्यक्ष मुक्तिराम पाण्डेले बताए ।
नेकपा एमाले नवलपुरले मध्यविन्दु नगरपालिकाको मेयर पदमा अधिकारीको एकल नाम गण्डकी प्रदेश कमिटीलाई सिफारिस गरिसकेको छ ।
मध्यविन्दु नगरपालिकाको मेयर पदका अन्य आकांक्षीहरुको सहमतिमा अधिकारीको नाम सर्वसम्मत सिफारिस भएको हो ।
मध्यविन्दु–८ निवासी अधिकारी एमाले जिल्ला कमिटी सचिव हुन् ।
नवलपरासी पूर्वको बौदीकालि गाउँपालिकामा प्रकाश ओझा र हुप्सेकोट गाउँपालिकामा चेतन रानाको नाम समेत पालिका अध्यक्षमा सर्वसम्मत सिफारिस भएको छ ।
अन्य स्थानीय तहमा आकांक्षी देखिएकाहरुको नाम प्रदेश कमिटीमा सिफारिस भएको पार्टी जिल्ला अध्यक्ष पाण्डेले बताए ।
पाण्डेका अनुसार अन्य उमेदवारहरूकाे नाम पनि आजै टुंगिनेछ ।
