नवलपुरमा आइपुग्यो सबै मतपत्र र मत पेटिका
रामकुमार श्रेष्ठ –
नवलपुर । पूर्वी नवलपरासीमा बैशाख ३० गते हुने स्थानीय तह निर्वाचनका लागि आवश्यक मतपत्र र मत पेटिका आइपुगेको छ ।
जिल्ला निर्वाचन कार्यालय नवलपुरका प्रमुख लालप्रसाद भुसालका अनुसार नवलपुरका आवश्यक मतपेटिकाहरु सबै आइपुगेको छ ।
ति मत पेटिकाहरु मतदान केन्द्रहरुमा खटिने कर्मचारीहरुलाई मतदान केन्द्रमा जाने दिन पठाइने उनले बताए ।
त्यसैगरी नवलपुरमा २ लाख ८१ हजार मतपत्रहरु आइपुगेको छ । नवलपुरमा २ लाख ५४ हजार ६ सय १५ जना मतदाताहरु रहेका छन् ।
नवलपुरमा आइपुगेका मतपत्रहरु मुख्य निर्वाचन अधिकृतको कार्यालयमा राखिएको छ । उक्त मतपत्रहरु पनि मतदान केन्द्रमा खेटिने कर्मचारीहरुलाई मतदान केन्द्रमा जाने दिन नै पठाउने मुख्य निर्वाचन अधिकृत अर्जुन अधिकारीले बताए ।
नवलपुरमा आवश्यक पर्ने मतपेटिका र मतपत्र प्रयाप्त रुपमा आइपुगेको बताइएको छ ।
