१७ वर्षीय किशोरीमाथि यौन दुर्व्यवहार गरेकाे झापाको अर्काे घटना सार्वजनिक
झापाको दमक नगरपालिकामा सौन्दर्य प्रतियोगितामा जिताउने प्रलोभन देखाएर आयोजकले नै एक किशोरीमाथि यौन दुर्व्यवहार गरेका घटना सार्वजनिक भएकाे छ ।
‘मिस्टर एन्ड मिस कलेज २०२२’ नामक सौन्दर्य प्रतियोगिताको विजेता बनाइदिने प्रलोभनमा दमक-१ घर भएकी १७ वर्षीया किशोरीमाथि यौन दुर्व्यवहार घटना सार्वजनिक भएको हो ।
आयोजक संस्था शंकर आर्ट्स फाउन्डेसनका निर्देशक लालबहादुर शंकरले फेसबुक म्यासेन्जर तथा ह्वाट्स एपमार्फत आफूसँग नजिक भएमा प्रतियोगिता जिताइदिने भन्दै यौन दुर्व्यवहार गरेको ती किशोरीको आरोप छ ।
किशोरी र उनको परिवारले इलाका प्रहरी कार्यालय दमकमा उजुरी परेपछि प्रहरीले आरोपितलाई पक्राउ गरेर अनुसन्धान थालेको छ ।
पक्राउ परेका शंकारमाथि बाल यौन दुरूपयोग कसुरमा अनुसन्धान अघि बढाइएको प्रहरीले जनाएकाे छ । नायब उपरीक्षक गिरीले जानकारी दिए।
