नवलपुरका विभिन्न ठाउँमा भएको सवारी दुर्घटनामा ५ जना घाइते
नवलपुर । नवलपुरको गैडाकोटमा आज दिउँसो भएको सवारी दुर्घटनामा परी एक जना घाइते भएका छन् ।
इलाका प्रहरी कार्यालय गैडाकोटका अनुसार गैडाकोट २ सिलन्यास चोकमा बा. प्र. ०३–००२ प ६९८८ नम्बरको मोटरसाइकलसँग बा. प्र. ०३–००३ प ९७३२ नम्बरको स्कुटी ठक्कर खाँदा एक जना घाइते भएका हुन् ।
दुर्घटनामा परी स्कुटीमा सवार गैडाकोट ५ निवासी ६१ बर्षीया तुलसी पौडेल घाइते हुनुभएको हो । घाइतेको पुरानो मेडिकल कलेजमा उपचार भईरहेको छ ।
त्यसैगरी नवलपुरको विनयी त्रिवेणी गाउँपालिका २ ज्यामिरेमा रहेको सवारी चेकजाँचमा खटेका प्रहरीलाई मोटरसाइकलले ठक्कर दिंदा एक जना प्रहरी घाइते भएका छन् ।
इलाका प्रहरी कार्यालय दुम्किबासका अनुसार कावासोतीबाट दाउन्नेतर्फ जाँदै गरेको अर्घाखाँची सन्धीखर्क नगरपालिका ८ बस्ने बर्ष १९ को राहुल जि.सी.ले चलाएको लु ४५ प ५६०४ नम्बरको मोटरसाइकलले डिउटीमा रहेका प्रहरी जवान खगेन्द्र सुनार घाइते भएका हुन् ।
घाइतेको उपचार पश्चात डिस्चार्ज भएको र ठक्कर दिने मोटरसाइकल र मोटरसाइकल चालक प्रहरी नियन्त्रणमा रहेको प्रहरीले जनाएको छ ।
नवलपुरको कावासोतीमा भएको सडक दुर्घटनामा मोटरसाइकल र स्कुटर एकआपसमा ठोक्किएर तीन जना घाइते भएका छन्।
त्यसैगरी कावासोती – १६ डण्डा स्थित पूर्व पश्चिम राजमार्गमा भएको सवारी दुर्घटनामा तीन जना घाइते भएका हुन् ।
जिल्ला प्रहरी कार्यालय नवलपुरका अनुसार ना ३० प ८७५२ नम्बरको मोटरसाइकल र ना ५६ प ८०७७ नम्बरको स्कुटर आपसमा ठक्कर खाँदा दुर्घटना भएको हो ।
दुर्घटनामा परी मोटरसाइकल चालक कावासोती १६ निवासी १८ बर्षीया सोम बहादुर परियार, स्कुटर चालक मध्यबिन्दु – ५ बस्ने बर्ष २४ की रञ्जु महतो र स्कुटर पछाडि बस्ने बर्ष ३१ की गंगा खत्री घाइते भएका छन् ।
