भन्सार छली ल्याएका सामग्री बरामद
नवलपुर । अवैध रुपमा भन्सार छलेर ल्याइएको सामान नवलपुर प्रहरीले नवलपुरको विनयी त्रिवेणी २ ज्यामिरेबाट बरामद गरेको छ ।
विनयी त्रिवेणी २ ज्यामिरे चेक पोष्टमा चेकजाँचको क्रममा धनगढीबाट रौतहटतर्फ आउँदै गरेको बा. प्र. ०३ ००१ ख २६४९ नम्बरको बसको डिक्कीमा लुकाई ल्याइएका विना विलका ७७ हजार ८ सय ४० रुपैयाँ बराबरको सामग्री बरामद गरेको हो ।
इलाका प्रहरी कार्यालय दुम्किबासका अनुसार २ बोरा फेन्सी सामान र ३ बोरा युरिया मल प्रहरीले बरामद गरेको हो ।
