नवलपरासीकाे भूमहीबाट लागुऔषध सहित दुई जना पक्राउ
- संजय तिवारी
सुनवल । पश्चिम नवलपरासीकाे भूमहीबाट प्रहरीले लागु औषध सहित २ जनालाई पक्राउ गरेकाे छ ।
सुनवल १२ भुमहीमा ग १ च ७८२५ नम्बरकाे टाटा सफारी जिपमा चेक जाँचकाे क्रममा लागू औषध सहित २ जनालाई नियन्त्रणमा लिएकाे ईलाका प्रहरी कार्यालय सुनवलले जनाएकाे छ ।
पक्राउ पर्नेमा तनहूँ जिल्लाकाे भानु नगरपालिका १ का १९ बर्षीय गाेपाल परियार र बन्दीपुर गाउँपालिका ४ का २० बर्षीय संगम थापा रहेका छन् ।
उनीहरूकाे साथबाट प्रहरीले डाईजापाम, नाेफिन र प्राेमिठाजाईम १२४/१२४ एम्पुल बरामद गरेकाे छ ।
