कोरोनाबाट चीनमा १ सय ७० को मृत्यु, विश्व स्वास्थ्य संगठन आपतकालिन बैठक बस्दै

साथै ७ हजार ७ सय ११ चिनियाँ नागरिकमा संक्रमण फैलिएको स्वास्थ्यकर्मीको तथ्यांक छ । हुबेइमा मात्रै नयाँ १ हजार ३२ नयाँ बिरामी पुष्टि भएका हुन् । र तिब्बतमा एकजना बिरामी भएको पुष्टि भएको छ । बिहीबारसम्म चीनका विभिन्न ३१ प्रान्तमा कोरोना भाइरस फैलिएको छ ।

विश्व स्वास्थ्य संगठनले सबै देशलाई यसबाट बच्न सतर्कता अपनाउन आग्रह गरेको छ । चीन बाहेक दर्जन भन्दा धेरै देशमा कोरोना फैलिसकेको छ । फिनल्याण्ड र दुबइमा समेत बुधबार कोरोना भेटिएको छ । कोरोनाकै कारण विश्व स्वास्थ्य संगठनको बिहीबार आपतकालिन बैठक बस्दैछ ।

कोरोना भाइरस भएको मानिस नेपाल नभित्रिन भनेर नाकाहरुमा र त्रिभुवन विमानस्थलमा कडा सुरक्षाको व्यवस्था गरिएको भएता पनि केही मानिसहरुमा यो भाइरस संक्रमण भएको खबर आइरहेको छ ।