चितवनका ५८ हजार बढी बालबालिकालाई दादुराको खोप लगाइँदै
चितवनमा नौ महिनादेखि पाँच वर्षमूनिका बालबालिकालाई दादुरा–रुवेलाबिरुद्धको खोप लगाइने भएको छ ।
दादुरा खोप अभियान–२०७६\७७ सञ्चालनसम्बन्धी खोप समन्वय समिति, सञ्चारकर्मी र सरोकारवालासँग अन्तरक्रिया कार्यक्रममा सो जानकारी गराइएको हो । यसका लागि आगामी चैत २ गतेदेखि १८ गतेसम्म जिल्लाको एक महानगर, एक गाउँपालिका र चार नगरपालिकामा खोप अभियान सञ्चालन हुनेछ । अभियानमा ५६८ खोप केन्द्र र एक हजार १३६ संख्यामा स्वयमंसेवक परिचालन हुनेछन् । खोप अभियानअन्र्तगत चितवनमा करिब ५८ हजार ९८३ बालबालिकालाई दादुरा –रुवेलाविरुद्धको खोप लगाउने लक्ष्य लिएको जिल्ला स्वास्थ्य कार्यालय चितवनका प्रमुख दिपकप्रसाद तिवारीले जानकारी दिए ।
