भारत-चीन सीमाक्षेत्रमा सैन्य फौज थपिए

एजेन्सी- भारत र चीनबीच विवादित सीमा क्षेत्रमा तनाव बढेसँगै दुवै देशले सैन्य उपस्थिति बलियो बनाएका छन् ।

टाइम्स अफ इन्डियाका अनुसार लदाकमा भारत र चीन दुवैले सैन्य फौजको उपस्थिति बढाएका हुन् ।

चिनियाँ फौजले विवादित सीमा क्षेत्रको गल्वान उपत्यकाको नदी छेउमा टेन्ट गाँडेर निर्माण शुरु गरेपछि देमचोक, चुमार र दौलत बेग ओल्डी क्षेत्रमा भारतले फौज बढाएको छ ।

गल्वन क्षेत्र सन् १९६२ को भारत चीन युद्धको एउटा बिन्दु हो । त्यहाँ पनि दुई देशबीच विवाद हुँदै आएक पाइन्छ ।

यसअघि सिक्किमको पाङगोङ सोस्थित भारत-चीन सीमामा झडप भएको थियो । उक्त झडप स्थानीय तहमा मिलाइए पनि दुई देशबीच सीमाको विषयमा तनाव बढेको देखिन थालेको छ ।