कालिगण्डकी करिडोरमा ट्रक दुर्घटनामा परी ज्यान गुमाउने ३ जनाकै सनाखत

रामकुमार श्रेष्ठ  –

नवलपरासी, ८ पुस । कालीगण्डकी कोरीडोर अन्तरगत पूर्वी नवलपरासीको गैडाकोट नगरपालिका ३ भोक्रोफाँटमा कालिगण्डकी करिडोरको ट्रक भिरबाट ट्रक खस्दा ३ जनाको मृत्यु भएको छ ।

नवलपुरको गैंडाकोट ३ घोक्रेफाँट स्थित २६ किलोमिटरको पहरामा ट्रक दुर्घटना भएको छ ।
ना ३ ख ५३३९ नम्बरको लोहनी कन्स्ट्रक्सनको सिमेन्ट बोक्ने ट्रक खसेको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँणले बताए ।

दुर्घटनामा परी ३ जनाको निधन भएको छ । दुर्घटनामा परी ट्रक चालक मकवानपुर जिल्लाको हेटौडा उपमहानगरपालिका १७ हटिया बस्ने वर्ष ४५ को सुरेश भुजेल, सोही स्थानका ३५ बर्षका बलराम श्रेष्ठ र पर्सा जिल्लाको ठोरी गौतमनगर बस्ने वर्ष ५० को भिम ब.तामाङ रहेको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँणले बताए ।

बुलिङटार गाउँपालिकाको खामबेंसीबाट फर्कदै गर्दा ट्रक दुर्घटनामा परेको जनाईएको छ । घटनास्थलमै ३ जना पुरुषको शव फेला परेको स्थानीयले जानकारी दिएका हुन् ।

ट्रक पहराबाट करिव १ सय मिटर तल खसेको छ भने सडकदेखि करिब १ सय मिटर दुरीमा शव फेला परेको गैडाकोट ३ का वडाध्यक्ष शिवकान्त तिवारीले बताए ।

घटनास्थल गैंडाकोट पुर्व पश्चिम राजमार्गदेखी करिब ३५ किमिको दुरीमा पर्छ । दुर्घटना परेको ट्रक घटना स्थलमै रहेको नवलपुुर प्रहरीले जनाएका छन् ।

https://www.youtube.com/watch?v=gS7PR9vPrVg