कम्युनिस्ट हरुले जनता सङ्ग भोट माग्ने हैसियत गुमाइसके – चितवन काङ्ग्रेस सभापति श्रेष्ठ

भरतपुरको चौविसकोठीमा आयोजित विरोधसभामा बोल्दै अध्यक्ष श्रेष्ठले प्रतिनिधि सभा विघटन गरेर ओलीले संविधानमाथि नै प्रहार गरेको जिकिर गरे ।
उनले यो परिस्थिति नेकपाकै कारण उब्जिएकोले नेपाली कांग्रेसले नेकपाको कुनै पनि पक्षसँग मिलेर आन्दोलन नगरेको यो शक्ति कांग्रेसकै भएको दावी गरे ।

अध्यक्ष श्रेष्ठले पुष्पकमल दाहाल प्रचण्डलाई नयाँ चुनाव क्षेत्र खोज्न सुझाएका छन् । उनले भने–“ प्रचण्डजी मेरो क्षेत्र भनेर अब फेरी चितवन नआउनु, उबेला कांग्रेसलाई दिएको धोका भुलेका छैनौँ । बरु अर्कै निर्वाचन क्षेत्र खोज्नु, अव चितवनका सबै निर्वाचन क्षेत्र कांग्रेसले नै जित्छ ।”