लाइसेन्स अनलाइन फाराम खुल्यो

सवारी चालक अनुमतिपत्र (लाइसेन्स) को अनलाइन फाराम आजदेखी खुलेको छ।
चैतदेखि बन्द भएको अनलाइन फाराम सातवटै प्रदेशमा खुलेको यातायात व्यवस्था विभागका निर्देशक लोकनाथ भुसालले जानकारी दिए ।
अहिलेलाई दैनिक कोटा तोकेर आवेदन लिन थालिएको हुँदा अब नियमित परीक्षा हुने पनि भुसलाले बताएका छन् ।
मोटरसाइकलमा दैनिक एक सय, स्कुटर र चारपाङ्ग्रे गाडीमा ५०–५० गरी कुल दुई सय जनाले अनलाइन आवेदन दिन पाउने व्यवस्था बिभागले गरेको छ ।

लामो समयपछि फाराम खुलेकाले आवेदन दिनेको चाप भएकोले अनलाइन साइट नखुल्ने समस्या देखिएको छ ।