देश औद्योगिक क्रान्तिमा : मन्त्री नेम्वाङ
झापा– संघीय सरकारका भौतिक पूर्वाधार तथा यातायात मन्त्री वसन्त नेम्वाङ्ले राजनीतिक अस्थिरताका बावजुद देश औद्योगीक क्रान्ति तर्फ अघि बढेको बताएका छन् ।
झापाको कमल ७ को झर्काहमा चाईना नेपाल फ्रेण्डशिप ईण्ड्रियल पार्कको शिलान्यास समारोहमा उनले प्रधानमन्त्री केपी शर्मा ओलीको अगुवाईकै कारण यो सम्भव भएको पनि दावी गरे ।
उनले वर्तमान सरकारको ३ वर्षको अवधिमा ९१५ ओटा मोटरेवल पुल निर्माण भएको दावी गर्दै यो परिमाणमा कुनै पनि सरकारको पालामा नभएको जिकिर गरे ।
हुलाकी राजमार्गको पूर्वी खण्डको ४८ किलोमिटर खण्ड पूरा हुने भन्दै उनले मदन भण्डारी राजमार्गको पूर्वी खण्ड निर्माणका लागि ठेक्का प्रकृया अघि बढेको जानकारी दिए ।
