वामदेवले राखे नेपालसँग चार सर्त, सर्त पूरा भए एसमा लाग्ने
नेकपा एमालेका उपाध्यक्ष वामदेव गौतमले नेकपा (एकीकृत समाजवादी) का अध्यक्ष माधवकुमार नेपालबीच भेटवार्ता चार सर्त राखेका छन् ।
उनले जनताको बहुदलीय जनवाद (जबज)लाई मार्गदर्शक सिद्धान्त मान्नुपर्ने, संघीयता परिमार्जन गर्नुपर्ने लगायतका चार सर्त राखेका हुन् । गाैतमले आफ्नो सर्त पूरा भए एकीकृत समाजवादीमा लाग्ने बताएका छन् ।
गौतमले एकीकृत समाजवादीले जनताको बहुदलीय जनवाद (जबज) लाई मार्गदर्शक सिद्धान्त मान्नुपर्ने सर्त राखेका छन् । जबज छोडेर एकीकृत समाजवादीमा लाग्न नसकिने गौतमको भनाइ थियो ।
जबजलाई मार्गदर्शक सिद्धान्त मानेपछि एकीकृत समाजवादीको एजेण्डा कार्यकारी राष्ट्रपति र पूर्ण समानुपातिक निर्वाचन प्रणाली हुनुपर्ने गौतमले अध्यक्ष नेपालसँग सर्त राखेका छन् ।
यता अध्यक्ष नेपालले भने गौतमको सर्तबारे छलफल गर्न सकिने जवाफ दिए ।
यो पनि पढ्नुहोस्
दाउन्नेमा पहिरो जाँदा राजमार्ग ठप्प
नवलपुरका सबै विद्यालय तिज पछि खुल्ने
चितवनको भरतपुर अस्पतालमा अख्तियारको छापा
