एमालेमा फर्किएका नेतालाई कमान्डर बनाउन सकिदैनः रामकुमारी झाँक्री
काठमाडौं । नेकपा एकीकृत समाजवादीकी नेतृ रामकुमारी झाँक्रीले नेकपा एमालेमा फर्किएका नेतालाई कमान्डर बनाउन नसक्ने बताएकी छन् ।
शनिबार सिन्धुलीमा आयोजित कार्यक्रममा बोल्दै झाँक्रीले युद्धबाट भाग्नेहरुलाई फेरी ल्याएर जिम्मेवारी दिन नसक्ने बताएकी हुन् ।
‘युद्धबाट भाग्नेहरुलाई फेरि ल्याएर कमान्डर बनाउन सकिँदैन’ उनले भने ।
नेतृ झाँक्रीले विचार समूहका हिसाबले धेरै समयमा कन्फ्युजनमा राखेका र पछि हरियो सापलेझैं डसेको बताइन् ।
विगतमा माधवकुमार नेपाल समूहमा रहेका नेताहरु भीम रावल, अष्टलक्ष्मी शाक्य, युवराज ज्ञवाली, घनश्याम भुसाल, योगेश भट्टराई, गोकर्ण विष्ट, भीम रावल, सुरेन्द्र पाण्डे, रघुजी पन्त र अमृतकुमार बोहरालाई भगौड जर्नेलको संज्ञा दिँदै कमान्डर मान्न नसकिने बताएकी हुन् ।
