श्रीमानको कुटपिटबाट श्रीमतिको मृत्यु, अटो दुर्घटनामा २ जनाको मृत्यु

बाजुरा जिल्लाको बडिमालिका नगरपालिका–८ मा पर्ने थुवाकाँधमा अटो दुर्घटनामा परी २ जनाको मृत्यु भएको छ । ४ जना घाइतेमध्ये २ जनाको घटनास्थलमै मृत्यु भएको जिल्ला प्रहरी कार्यालय बाजुराले जनाएको छ ।

दुईजनाको अवस्था भने सामान्य रहेको प्रहरीको भनाइ रहेको छ । घटनामा परी मृत्यु हुनेको सनाखत हुन बाँकी रहेको प्रहरीले जनाएको छ । मृत्यु हुनेमा पुर्व शिक्षक खगेन्द्र पाध्याय र प्रकाश नेपालीकाे घटना स्थलमा मृत्युु भएको उदारमा खटिएका भुपिन्द्र विकले बताए।

सदरमुकाम मार्तडीदेखि जडाङगा जाँदै गरेको अटो आज ५ः३० मा दुर्घटनामा परेको हो ।

अटो सडकबाट करिब २०० मिटर तल बूढीगङ्गा नदीको किनारामा परेको जानकारी दिइएको छ । घटनाको थप विवरण आउन बाँकी रहेको प्रहरीको भनाइ छ । अटो चालक भने फरार रहेको छ ।