नवलपुरमा मादकपदार्थ सेवन गरेर दाजुभाई कुटाकुट, एक जना गम्भीर घाइते
अरुणखोला । पूर्वी नवलपरासीको मध्यविन्दु नगरपालिका १२ ज्वाईथर्मा मदिरा सेवन गरेर दाजुभाई कुटाकुट गरेका छन् ।
प्रहरी चौकी अरुणखोलाका अनुसार गएराति मध्यविन्दु नगरपालिका १२ ज्वाईथर बस्ने बर्ष ४८ को रामबहादुर कुमाल र निजको भाई बर्ष ४२ को कमल कुमाल मादकपदार्थ सेवन गरी सामान्य भनाभन हुंदा झगडा भएको हो ।
भाई कमल कुमालले दाई रामबहादुर कुमाललाई कुटपिट गरी घाईते बनाएको, घाइतेको टाउकोमा चोट र अवस्था गम्भिर प्रहरीले जनाएको छ । ,
घाइतेको मध्यविन्दु जिल्ला अस्पतारमा सामान्य उपचार पछि थप उपचारका लागि भरतपुर सरकारी अस्पताल लगिएको प्रहरीले जनाएको छ ।
चट्याङसहित वर्षाको सम्भावना
आगामी तीन दिन देशको अधिकांश भूभागमा आंशिकदेखि सामान्य बदली रही केही स्थानमा मेघगर्जन/चट्याङसहित हल्का वा क्षणिक वर्षा हुने भएको छ । जल तथा मौसम विज्ञान विभागका अनुसार भारतको विहार आसपास रहेको न्यून चापीय प्रणालीको सामान्य प्रभावका साथै स्थानीय वायुको प्रभावका कारण आगामी तीन दिन देशको अधिकांश भूभागमा आंशिकदेखि सामान्य बदली रही प्रदेश नं १, मधेस प्रदेश, बागमती र गण्डकी प्रदेशका भू–भागका केही स्थानमा मेघगर्जन/चट्याङसहित हल्का वा क्षणिक वर्षाको सम्भावना रहेको छ ।
तराई भू–भागहरुमा हल्का तापक्रम बढ्ने क्रममा रहेकाले गर्मीका कारण हुन सक्ने असरबाट बच्न आवश्यक सतर्कता अपनाउन हुन विभागले सबैमा अनुरोध समेत गरेको छ ।
हाल देशको प्रदेश नं १ लगायत बागमती र गण्डकी प्रदेशको पहाडी भू–भागमा सामान्य बदली रही अन्य भू–भागमा आंशिक बदलीदेखि मौसम सामान्य तया सफा रहेको छ । मौसम पूर्वानुमान महाशाखाको पछिल्लो विवरणअनुसार आज काठमाडौँ उपत्यकाको न्यूनतम तापक्रम १७ दशमलव दुई डिग्री र अधिकतम तापक्रम २६ दशमलव चार डिग्री सेल्सियस रहेको छ ।
त्यस्तै आज सबैभन्दा कम जुम्लाको न्यूनतम तापक्रम ६ दशमलव दुई डिग्री र सबैभन्दा धेरै नेपालगञ्जको अधिकतम तापक्रम ३५ दशमलव ५ डिग्री सेल्सियस रहेको छ ।
