जंगली च्याउ खादाँ एकैपरिवारका दुइजनाको मृत्यु, दुईजना बिरामी
३१ जेष्ठ । ओखलढुंगामा जंगली च्याउ खाँदा एकै परिवारका दुईजनाको मृत्यु भएको छ भने अन्य दुई जना बिरामी परेका छन् ।
सोमबार बेलुका जंगली च्याउ खादाँ चम्पादेबी गाउँपालिका ७ फुलबारीका ९३ बर्षिय मनमाया बिष्ट र २४ बर्षिय कुमारी लामीछानेको मृत्यु भएको हो ।
च्याउ खाएर सोही परिवारका २४ बर्षिय राजन बिष्ट र उनका तिनबर्षिय छोरी सरीस्मा बिष्ट बिरामी परेका छन् ।
उनीहरुको काठमाण्डौ स्थित टिचिङ अस्पतालमा उपचार भैरहेको छ। बेलुका जंगलमा भेटिएको च्याउ खाएर सिकिस्त बिरामी परेका चारै जनालाई स्थानीयले उद्धार गरी उपचारका लागी ओखलढुंगा सामुदायिक अस्पतालमा ल्याएको थिए ।
अस्पतालमा उपचारका क्रममा २४ बर्षिय कुमारी लामीछानेको मृत्यु भएको जिल्ला प्रहरी प्रमुख सुकदेब खनालले जानकारी दिए ।
अन्य बिरामीहरुलाई थप उपचारका लागी हेलिकप्टरमार्फत काठमाण्डौ लगाीएकोमा ९३ मनमाया बिष्टकोे उपचारका क्रममा मंगलबार आज बिहान मृत्यु भएको प्रहरी प्रमुख खनालको भनाई छ ।
बिरामीमध्ये दुई बाबा छोरीको अवस्था सुधारउन्मुख रहेको प्रहरीले जनाएको छ ।
