रड प्रहार गरी श्रीमानद्वारा श्रीमतीको हत्या, श्रीमान पक्राउ
दाङ । दाङमा एक व्यक्तिले रड प्रहार गरि श्रीमतीको हत्या गरेका छन् ।
तुलसीपुर उपमहागनरपालिका – ४ तल्लो हलवारका ४३ बर्षीय पेण्डुवा चौधरीले श्रीमती ४२ वर्षीया लक्ष्मी चौधरीलाई टाउकोमा रड प्रहार गरी हत्या गरेका हुन्।
मदिराले मातेका चौधरीले घर भित्रै श्रीमती लक्ष्मीलाई स्टिलको रडले टाउकोमा प्रहार गरेको र उनको घटनास्थलमै मृत्यु भएको जिल्ला प्रहरी कार्यालय दाङले जनाएको छ ।
घटना शनिबार राति सवा १० बजेतिरको हो । इलाका प्रहरी कार्यालय तुलसीपुरले हत्या आरोपी चौधरीलाई राति नै नियन्त्रणमा लिएर थप अनुसन्धान थालेको छ ।
