बर्दघाटमा बीस लाख मूल्यका मोबाइलको टेम्पर ग्लास बरामद
नवलपरासी । इलाका प्रहरी कार्यालय बर्दघाटबाट खटिएको प्रहरी टोलीले बर्दघाट–४ बर्दघाटबजारस्थित कवाड खानाबाट भन्सार छली ल्याइएको मोबाइलका टेम्पर ग्लास बरामद गरेको छ ।
बुधबार बिहान ७ः०० बजेको समयमा एम.एस. स्क्रपमा अवैधरुपमा लुकाइछिपाइ राखेको अवस्थामा अन्दाजी १९ लाख ८० हजार रुपैयाँबराबरको ३० कार्टुन मोबाइलमा प्रयोग गरिने टेम्पर ग्लास नियन्त्रणमा लिइएको हो ।
बरामद सामान इलाका प्रहरी कार्यालय बर्दघाट नवलपरासी (बर्दघाट सुस्तापश्चिम)मार्फत आवश्यक कारबाहीको लागि महेशपुर भन्सार कार्यालयमा पठाई थप अनुसन्धान कार्य भइरहेको जिल्ला प्रहरी कार्यालय नवलपरासी (बर्दघाट सुस्तापश्चिम)ले जनाएको छ ।
