नवलपुरः टिप्पर पल्टिदा चालक च्यापिए, उद्दारका लागि जेसिबी सहित प्रहरी पुग्यो
नवलपुर । पूर्वी नवलपरासीको बिनयी त्रिवेणी गाउँपालिका ३ सालघारीमा टिप्पर पल्टदाँ चालक च्यापिएका छन् ।
जिल्ला प्रहरी कार्यालय नवलपुरका अनुसार विनयी त्रिवेणी ३ सालघासीको भित्री सडक खण्डमा पाल्पाबाट होङसी सिमेन्ट कम्पनीको चुनढुङगा लोड गरी आउदै गरेको लु १ क ५२८१ नम्बरको टिप्परको चालकले नियन्त्रण गुमाई टिप्पर सडकदेखि ४० मिटर तल खस्न गएको हो ।
दुर्घटनामा परी टिप्पर चालक नवलपुरको गैडाकोट नगरपालिका १३ बेल्डिहा बस्ने २७ बर्षीय बलिराम महतोलाई उक्त टिप्परले थिचेको अवस्थामा रहेका छन् । उनको उद्धार कार्यको लागि जिसीबी सहित इलाका प्रहरी कार्यालय र प्रहरी चौकी सर्दीको प्रहरी टोली घटना स्थल पुगेको प्रहरीले जनाएको छ ।
अहिले घटना स्थलमा उद्दार कार्य भईरहेको छ । टिप्परमा अन्यमानिस भए नभएको यकिन नभएको प्रहरीले जनाएको छ ।
घटना स्थल दुम्किबास बजारबाट २० किलोमिटर उत्तरमा पर्दछ । चालकको स्वास्थ्य अवस्था यकिन नभएको प्रहरीले जनाएको छ ।
