दाउन्नेमा टिप्पर खस्यो, चालक गम्भीर घाइते
नवलपुर । नवलपुर जिल्लाको विनयी त्रिवेणी गाउँपालिका २ दाउन्नेको त्रियासी मोडमा लु २ ख लु २ ख ३४५६ नम्बरको टिप्पर सडकबाट खस्दा चालक गम्भीर घाइते भएका छन् ।
आज दिउँसो पौने ४ बजेतिर टिप्पर सडकबाट अन्दाजी ३० मिटर तल खसेको हो ।
दुर्घटनामा परी पश्चिम नवलपरासीको सरावल गाउँपालिका २ निवासी ३६ बर्षीय टिप्पर चालक जितबहादुर चौधरी गम्भीर घाइते भएका छन् । उनको शरिरको विभिन्न भागमा चोट लागेको छ ।
घाइतेको बर्दघाटको चिसापानी अस्पतालमा उपचार भईरहेको प्रहरीले जनाएको छ ।
