कावासोतीमा लागुऔषध सहित १ जना पक्राउ
कावासोती । नवलपुरको कावासोतीमा आज साँझ लागुऔषध सहित १ जना पक्राउ परेका छन् ।
कावासोती १० मगरकोट घर भई हाल कावासोती ९ नेपाल इट्टाभट्टामा डेरा गरी बस्ने ३३ बर्षीय मनिष ढकाललाई पक्राउ गरेको नवलपुर प्रहरीले जनाएको छ ।
डेरा बाहिर झाडीमा लुकाई छिपाई राखेको अवस्थामा डाइजापाम ३२ एम्पुल, फेनेरागत ३२ एम्पुल, नुफिन ३२ एम्पुल लागुऔषध बरामद गरेको हो ।
प्रहरीले घटनाको अनुसन्धान गरिरहेको जनाएको छ ।
