नवलपुरको अरुणखोलाबाट छुटेको जीप पाल्पामा दुर्घटना, १४ जना घाइते
पाल्पा । पाल्पाको निस्दी गाउँपालिकामा जीप दुर्घटना हुँदा १४ जना घाईते भएका छन् ।
निस्दी गाउँपालिका ४ को मतियारडाँडा स्थित भित्री कच्ची सडकमा लु १ ज ३३२४ नम्बरको जीप बुधबार बेलुका दुर्घटनमा परेको हो ।
नवलपरासीको अरुणखोलाबाट निस्दीको खादर तर्फ आउदै गरेको डबल क्याप जीप दुर्घटना भएको प्रहरीले जनाएको छ ।
घाईते सबैलाई उपचारको लागि नवलपरासीतर्फ पठाईएको छ ।
घटनाको सम्बन्धमा थप अनुसन्धान कार्य जारी रहेको जिल्ला प्रहरी कार्यालय पाल्पाले जनाएको छ ।
