इनार सफा गर्ने क्रममा दुई जनाको मृत्यु
सुर्खेत । सुर्खेतको वीरेन्द्रनगर नगरपालिकामा इनार सफा गर्ने क्रममा दुई जनाको मृत्यु भएको छ ।
सोमबार वीरेन्द्रनगर नगरपालिका ११ मा इनार सफा गर्ने क्रममा निसास्सिएर दुई जनाको मृत्यु भएको जिल्ला प्रहरी कार्यालय सुर्खेतले जनाएको छ ।
मृत्यु हुनेमा वीरेन्द्रनगर नगरपालिका ११ पिपिराका ३२ वर्षीय विद्याप्रसाद रेग्मी र सोही ठाउँका ३१ वर्षीया लक्ष्मी कँडेल रहेको जिल्ला प्रहरी कार्यालयका प्रहरी प्रवक्ता एवम् प्रहरी नायब उपरीक्षक वीरेन्द्रवीर विश्वकर्माले जानकारी दिए ।
प्रवक्ता विश्वकर्माका अनुसार अक्सिजनको अभाव भएपछि बेहोस भएका उनीहरूको कर्णाली प्रदेश अस्पतालमा उपचारका क्रममा मृत्यु भएको हो ।
