नवलपुरमा करेन्ट लागि दुई जना घाइते
नवलपुर । नवलपुरमा करेन्ट लागेर दुई जना घाइते भएका छन् ।
नवलपुर प्रहरीका अनुसार नवलपुरको हुप्सेकोट गाउँपालिका २ मोडारा बस्ने २१ बर्षीय नुमीसरा सारु आफ्नै घर विजुली बत्ती बाल्ने क्रममा अचानक करेन्ट लागि घाइते भएकी छिन् ।
उनको मध्यविन्दु जिल्ला अस्पताल डण्डामा सामान्य उपचार पश्चात थप उपचारका लागि भरतपुर लगिएको छ ।
त्यसैगरी नवलपुरकै देवचुली नगरपालिका २ मा पूर्वपश्चिम राजमार्गको विजुलीको पोलमा वर्डलिङ्गको तार तान्ने क्रममा करेन्ट लागि घाइते भएका छन् ।
कास्कीको पोखरा महानगरपालिका १५ निवासी वर्डलिङ्गका कर्मचारी ४६ बर्षीय लालबहादुर विक घाइते भएका हुन् ।
उनको चितवन मेडिकल कलेजमा उपचार भईुरहेको छ । उनको हात र अनुहार जलेको प्रहरीले जनाएको छ ।
