कावासोतीमा आजदेखि तरकारीमा बिषादी परीक्षण
कावासोती । नवलपुरको कावासोती २ हाटबजारमा आजदेखि तरकारी विषादी परिक्षण हुने भएको छ ।
कृषि तथा पशुपंक्षि विकास मन्त्रालयको कृषि विभागले कृषि थोक बजारमा शुरु गरेको विषादी परीक्षण प्रयोग शाला अन्तरगत कावासोतीमा पनि विषादी परीक्षण शुरु गर्न लागेको हो ।
विभागकै टोली आएर आज दिउँसो १ बजेबाट विषादी परीक्षण शुरु गरिने भएको हो ।
पछिल्लो समय नेपालमा तरकारीमा विषादीको प्रयोग बढेका र त्यसले स्वास्थ्यमा निकै असर पारेका घटनाहरु सार्वजनिक हुन थालेपछि तरकारीमा विषादीको परीक्षण हुनु पर्ने आवाज उठ्न थालेको हो ।
विषादी अवशेष दु्रत विश्लेषण प्रयोग शाला नै राखेर कावासोती २ को तरकारी थोक बजारमा विषादी परीक्षण शुरु गर्न लागिएको कृषि उपज बजार व्यवस्थापन समितिका व्यवस्थापक सुनिता चापागाई सुवेदीले बताए ।
