कावासोतीमा बालिकामाथि हाडनाता करणी गर्ने पक्राउ
नवलपुर । नवलपुरको कावासोतीबाट प्रहरीले बालिकामाथि हाडनाता करणी गरेको आरोपमा एक जनालाई पक्राउ गरेको छ ।
जिल्ला प्रहरी कार्यालय नवलपुरका प्रहरी नायव उपरीक्षक जेशी शाहका अनुसार नवलपुरको कावासोतीमा मामा घर आएकी १६ बर्षीया बालिकालाई आफ्नै मामाले जबरजस्ती करणी गरेको आरोपमा पक्राउ गरेको हो ।
पक्राउ परेकालाई नवलपुर जिल्ला अदालतबाट म्याद थप गरी आवश्यक अनुसन्धान अगाडि बढाइएको प्रहरीले जनाएको छ ।
प्रहरीले बालिकामाथि हाडनाता करणी आरोपमा ३६ बर्षीय पुरुषलाई पक्राउ गरेको जनाएको छ ।
बालिकाको स्वास्थ्य अवस्था लगायतको मेडिकल चेकचाँच भएको प्रहरीले जनाएको छ ।
बालिकाको आफन्तले दिएको जाहेरीको आधारमा उनलाई पक्राउ गरिएको प्रहरी नायव उपरीक्षक जेशी शाहले बताए ।
