गैंडाको आक्रमणबाट कावासोतीमा एक जनाको मृत्यु
नवलपुर । नवलपुरको कावासोतीमा आज गैडाको आक्रमणबाट १ जनाको मृत्यु भएको छ ।
कावासोती ७ कृष्णसार सामुदायिक वनमा गाईगोरु चराउन गोठालो गएका कावासोती ७ निवासी ६५ बर्षीय सुकबहादुर बोटेको गैडाको आक्रमणमा परी मृत्यु भएको हो ।
जिल्ला प्रहरी कार्यालय नवलपुरका प्रहरी नायव उपरीक्षक जेशी शाहका अनुसार गैडाको आक्रमणमा परी गम्भीर घाइते बोटेको उपचारको क्रममा कालीगण्डकश्र अस्पताल कावासोतीमा उपचारको क्रममा आज दिउँसो मृत्यु भएको हो ।
प्रहरीले घटनाको अनुसन्धान गरिरहेकोे जनाएको छ । गैडाको आक्रमणबाट मृत्यु भएका बोटेको शव पोष्टमार्टमका लागि मध्यविन्दु जिल्ला अस्पताल डण्डामा राखिएको छ ।
