गैडाको आक्रमणबाट नवलपुरमा एक जनाको मृत्यु
नवलपुर । गैँडाको आक्रमणबाट नवलपुरमा एक जनाको मृत्यु भएको छ ।
जिल्लाको मध्यविन्दु नगरपालिका वडा नं. ६ भण्डारा बस्ने ६५ वर्षीय नाथुराम थारुको गैँडाको आक्रमणबाट शनिवार दिउँसो पौने १२ बजे मृत्यु भएको जिल्ला प्रहरी कार्यालयका प्रहरी नायव उपरीक्षक जेसी शाहले जानकारी दिए ।
थारु दुई बुहारीसहित घर नजिकै रहेको बारीमा आलु लगाउन गएको बेला एक्कासी गैँडाले पेट र टाउकोमा आक्रमण गरेको थियो ।
गैँडाको आक्रमणबाट थारुको घटनास्थलमै मृत्यु भएको प्रहरी नायव उपरीक्षक शाहले जानकारी दिए ।
