विद्यार्थीहरुको झैझगडाले नवलपुरका २ कलेजमा स्ववियु निर्वाचन स्थगित
नवलपुर । नवलपुरमा विद्यार्थी संगठनहरुको झैझगडाका कारण नवलपुरका २ वटा कलेजमा स्ववियू निर्वाचन स्थगित भएको छ ।
नवलपुरको गैडाकोटमा रहेको एसपिएम कलेज र गैडाकोटको अमरापुरीमा रहेको जनमुखी कलेजमा स्ववियु निर्वाचन नहुने भएको हो ।
आज यि दुई कलेजकाे निर्वाचन अधिकृतले सूचना जारी गरी निर्वाचन गर्ने वातावरण नभएको भन्दै तत्काललाई स्ववियु निर्वाचन स्थगित गरेको जनाएको छ ।
नवलपुरमा स्ववियु निर्वाचन हुने भनिएका १० वटा क्याम्पसमा अनेरास्ववियुले ताला लगाएको थियो ।
