अरूणखोला बहुमुखी क्याम्पसकोे स्ववियू अध्यक्षमा प्रकृति सर्वसम्मत निर्वाचित
नवलपुर ।
मध्यविन्दु १० मा रहेको अरूणखोला बहुमुखी क्याम्पसको सम्पन्न स्ववियू निर्वाचनबाट सर्वसम्मत अध्यक्ष पदमा प्रकृति पंगेनी निर्वाचित भएकी छिन् ।
चैत्र ५ गते देशैभरि स्ववियू निर्वाचनको मिति तोकिएको थियो । देशै भरिका धेरै जसो कलेजमा सोही मितिमा निर्वाचन भए पनि नवलपुरमा हुन सकेको थिएन । नवलपुरमा माग गरिएका १० वटै कलेजमा निर्वाचन हुन नसके पछि संगठनको जिल्ला नेतृत्वमा आन्तरिक सहमतिमा स्ववियू टुङ्गाउने निर्णय गरेको थियो ।
यसै अनुसार अरूणखोला बहुमखी क्याम्पसमा स्ववियूको नेतृत्व चयन गरेको हो । पंगेनीको नेतृत्वको समितिमा सचिव पछि चयन गर्ने गरि कोषाध्यक्षमा अनिता दरै, सदस्यमा निमिषा दरै, थानिसरा बयम्भू र गानिसरा आले सर्वसम्मत चयन भएका छन् ।
त्यसैगरी समानुपनतिक सदस्यहरूमा सिद्धिका बस्नेत, सुस्मा नेपाली, निरा गाहा मगर चयन भएका छन् भने सदस्य २ जना पनि थप गर्ने सुचना स्ववियू निर्वाचन नि. संयोजक राम प्रसाद अधिकारीले निकाल्नु भएको सुचनामा भेटिन्छ ।