अंशबन्डाको निहूँमा हुप्सेकोटमा मासपेगरी छोराको कुटपिटबाट बाबुको ज्यान गयो
नवलपुर । नवलपुरको हुप्सेकोटमा अंशबन्डाको निहूँमा हुप्सेकोटमा मासपेगरी छोराको कुटपिटबाट बाबुको ज्यान गएको छ ।
जिल्ला प्रहरी कार्यालय नवलपुरका अनुसार हुप्सेकोट गाउँपालिका १ जुगेपानी निवासी ६० बर्षीय रामबहादुर विकालाई उनकै छोरा ३० बर्षीय सन्तकुमार विकले कुटपिट गरी हत्या गरेका हुन् ।
स्थानीयका अनुसार अंशबन्डाको विवादमा गए राति छोराले मापसे गरी ६० बर्षीय बुवालाई गम्भीर घाइते हुने गरी कुटपिट गरेका थिए ।
गम्भीर घाइते रामबहादुर विकको उपचारको क्रममा मध्यविन्दु प्रादेशिक अस्पताल डण्डामा गएराति मृत्यु भएको हो ।
प्रहरीले बुवाको हत्या गर्ने सन्तकुमार विकलाई नियन्त्रणमा लिई आवश्यक अनुसन्धान अगाडि बढाएको जनाएको छ ।
