नवलपुरः बाटोमा अचेत भेटिएका १६ बर्षीय किशोरको उपचारको क्रममा मृत्यु
नवलपुर । नवलपुरको विनयी त्रिवेणी गाउँपालिका ४ नयाँ गाउँमा अचेत अवस्थामा भेटिएका १६ बर्षीय किशोरको उपचारको क्रममा मृत्यु भएको छ ।
प्रहरीका अनुसार विनयी त्रिवेणी गाउँपालिका ४ कोल्टाडी निवासी चन्द्र सारु मगरको १६ बर्षीय छोरा सलोन सारुको मृत्यु भएको हो ।
विहीबार विहान सडकमा अचेत अवस्थामा लडिरहेको अवस्थामा स्थानीयले देखेपछि उनलाई स्थानीयले तत्काल उद्दार गरी उपचारका लागि सर्दीको लुम्बिनी मेडिकलमा लगेको थियो ।
उनको थप उपचारका लागि मध्यविनद्यु प्रादेशिक अस्पताल कावासोती डण्डा ल्याइएकोमा उनको विहीबार विहान चिकित्सकले मृत घोषणा गरेको थियो ।
प्रहरीले घटनाको अनुसन्धान भईरहेको जनाएको छ । उनको शरिरमा बाहिरी चोटपटक नदेखिएको प्रहरीले जनाएको छ ।
