गजल

101

  • सरोज उजाड –

सानो हिँडेको छ , ठूलो हिँडेको छ
सडक उहीँ छ, मात्र धूलो हिँडेको छ

भगवान चुपचाप बसेको छ मन्दिरमा
कोही चोखो कोही बिटुलो हिँडेको छ

गणतन्त्रको प्रत्याभूति दिलायौ र त
गालाभरि आँसुको कुलो हिँडेको छ

प्रेमिका जस्तै भयो गरिबका लागि
घरमा बस्नै मान्दैन, चूलो हिँडेको छ

भ्रष्टाचारको खाडल पुर्ने वाचा नदेऊ
तिम्रै घर छेडी देशभर दूलो हिँडेको छ

गजल मञ्च नवलपुर
रचना : २०७६\०९\२१गते

You might also like
Loading...