दाउन्ने एस मोडमा ट्रकको ठक्करबाट मोटरसाईकल चालकको मृत्यु

Daunne News प्रकाशित : २०७६ आश्विन २३ गते, २०:५६

बर्दघाट, असोज २३ ।दाउन्ने एस मोडमा बिहिवार (आज) साँझ भएको सवारी दुर्घटनामा एक जनाको मृत्यु भएको छ भने दुई जना घाईते भएका छन् । मृतकको पहिचान खुलीनसकेपनि उनको साथबाट फेला परेको चालक अनुमति पत्रमा रुपेन्द्र थापा उल्लेख रहेको घटनास्थलबाट ईलाका प्रहरी कार्यालय बर्दघाटका ईन्सपेक्टर हिम बहादुर केसिले सामुदायिक रेडियो परासीलाई जानकारी दिनुभयो । चालक अनुमती पत्रमा मृतकको ठेगाना मकवानपुर उल्लेख रहेको छ ।

नारायणगढ बाट वुटवल तर्फ आउँदै गरेको ना ६ ख ६५७८ नम्बरको ट्रकले नारायणगढ तर्फ जादै गरेको ना ४३ प २९७९ नम्बरको मोटरसाईकललाई दाउन्ने एस मोडमै ठक्कर दिएको हो । दुर्घटनामा ट्रकका चालक र सहचालक पनि घाईते भएका छन् ।
मोटरसाईकललाई ठक्कर दिएपछि समानको लोड सहित रहेको ट्रक पनि अनियन्त्रीत भएर सडक छेउमै पल्टीएको प्रहरीले जानकारी दिएको छ । समान्य घाईते २ जनाकै स्थानिय अस्पतालमै उपचार भैहरेको छ । घटना तिव्र गतिका कारण अनियन्त्रीत भएर हुन सक्ने अनुमान गरिएको छ । सो क्षेत्र धेरै सवारी दुर्घटना हुने क्षेत्र अन्र्तगत पर्दछ ।