लमजुङमा बस दुर्घटनाः एकको मृत्यु, ७ घाइते
लमजुङमा बस बस दुर्घटना हुँदा एक जनाको मृत्यु भएको छ । सात जना घाइते भएका छन् । सदरमुकाम बंँसीसहरबाट गोरखातर्फ जाँदै गरेको ग १ ख ५७९९ नम्बरको यात्रुबाहक बस आइतबार बिहान दुर्घटना भएको हो ।
तिव्र गतिमा रहेको बस अनियन्त्रित भइ पाउँदी खोलामा खसेको जिल्ला प्रहरी कार्यालय लमजुङले जनाएको छ । दुर्घटनामा अन्दाजी ३५ वर्षीया महिलाको मृत्यु भएको हो । गम्भीर बनेकी उनलाई उपचारका लागि अस्पताल लगिएको थियो ।
अस्पताल पुगेपछि चिकित्सकले उनलाई मृत घोषणा गरेको लमजुङका डीएसपी रविन्द्रमान गुरुङले बताए । मृतकको विवरण खुल्न सकेको छैन ।
गुरुङका अनुसार बस सडकबाट एकसय मिटर तल खोलामा खसेको छ । दुर्घटनाकाा घाइतेमध्ये चार जनालाई उपचारका लागि चितवन लगिएको छ । अन्य सामान्य घाइतेको स्थानीय स्वास्थ्यचौकीमा उपचार भइरहेको छ ।
