आज जितिया पर्व मनाइँदै, नवलपपुरका स्थानीय तहहरुमा सार्वजनिक विदा
नवलपुर लगायत तराईका जिल्लामा आज जितिया पर्व मनाईंदै छ ।
मातृस्नेहको रुपमा मनाइने यो पर्वमा बिहानै नजिकैको जलाधार अथवा नदीमा स्नान गरी तोरीको तेल र ‘खर’ चढाउने परम्परा रहिआएको छ ।
यो पर्वमा आमाहरूले स्नान गरेर मात्र चोखो खानेकुरा खाने गर्दछन् । थारु समुदायले जितियालाई विजय अर्थात् जितका रूपमा मनाउने गरेको छ ।
नवलपरासी, चितवनलगायतका ठाउँमा रहेका थारु महिलाहरूले तीन दिनसम्म जितिया पर्व मनाउँछन् । भगवान विष्णु, शिव र भगवान सूर्यको पूजा अर्चना गर्छन् ।
सरकारले जितिया पर्व मनाउनेलाई सार्वजनिक बिदा दिएको छ ।
नवलपपुरका स्थानीय तहहरुमा सार्वजनिक विदा
यसैबीच थारु महिलाको महान पर्व जितियाको अवसरमा आज नवलपुरका स्थानीय तहहरुमा सार्वजनिक विदा गरिएको छ ।
कावासोती नगरपालिका, मध्यविन्दु नगरपालिका लगायतका स्थानीय तहले सूचना नै जारी गरेर आज सार्वजनिक विदा गरेको हो ।
