नवलपुरमा भएको दुई छुट्टाछुट्टै दुर्घटनामा दुई जना घाइते
नवलपुर । पूर्वी नवलपरासीमा टिप्पर अनियन्त्रित भई पल्टदा टिप्पर चालक घाइते भएका छन् ।
पूर्वी नवलपरासीको मध्यविन्दु नगरपालिका–११ भोटे खोला भित्री सडक खण्डमा ना ६ ख ८६५५ नम्बरको टिप्पर आफैँ अनियन्त्रित भई पल्टन जाँदा टिप्पर चालक विनयी त्रिवेणी गाउँपालिका–२ बस्ने वर्ष ४५ को टिका राहु मगर घाइते भएका हुन् ।
उनको अलाइभ हस्पिटल भरतपुरमा उपचारका लागि पठाइएको र अवस्था मध्यम रहेको प्रहरीले जनाएको छ ।
त्यसैगरी, पूर्वी नलपरासीमा मोटरसाईकल दुर्घटना हुँदा एक गम्भिर घाईते भएका छन् ।
नवलपुर प्रहरीका अनुसार मध्यविन्दु नगरपालिका–७ स्थित भित्रि सडक खण्डमा अम्रसाबाट चोरमारा तर्फ आउदै गरको लु ८५ प १५०२ नम्बरको मोटरसाईकल आफै अनियन्त्रित भएर पल्टिदा दुर्घटना भएको हो ।
दुर्घटनामा मोटरसाईकल चालक बझाङ्ग जिल्ला धमिना गाउपालिका–४ बस्ने ३४ वर्षीय देवेन्द्र रोकाया घाईते भएका हुन् ।
