पूर्वपश्चिम राजमार्गको चोरमारामा सडक बन्द
नवलपुर । पूर्वी नवलपरासीको चोरमारामा पुल मर्मतका लागि ६ घण्टा सडक अवरुद्ध गरिएको छ ।
जिल्ला प्रशासन कार्यालय नवलपुरले सूचना जारी गरी आज विहान ८ बजेदेखि दिउँसो २ बजेसम्म ६ घण्टा सडक अवरुद्ध गरेको हो । अहिले पुल मर्मत कार्य चलिरहेको छ ।
चोरमारामा रहेको गिरुवारी खोलाको पुलको बीचमा प्वाल परेको कारण तत्काल मर्मत गर्नु पर्ने भएकोले आज विहान ८ बजेदेखि दिउँसो २ बजेसम्मलाई पुलमा साना तथा ठूला सवारी साधन आवतजावतमा रोक लगाइएको नवलपुर प्रशासनले जनाएको छ ।
झण्डै ५० बर्ष आसपास पुगेका नवलपुरका पुलहरु अत्यन्तै जीर्ण अवस्थामा रहेका छन् । पुलहरु बेलाबेलामा मर्मत गरेर पुन सञ्चालनमा ल्याउने गरिएको छ ।
अहिले पुल मर्मत कार्य चलिरहेको छ ।
आइतबार ६ घण्टा पूर्वपश्चिम राजमार्गको चोरमारामा सडक बन्द हुने
