एमसीसीको विषयमा पार्टीमा निर्णय भईसकेको छैनः नेकपा प्रवक्ता श्रेष्ठ
- अर्जुन अविरल –
नेपाल कम्युुनिष्ट पार्टी (नेेकपा) का प्रवक्ता नारायणकाजी श्रेष्ठलेे अमेरिकी परियाेजना मिलिनियम च्यालेन्ज कर्पाेरेेसन (एमसीसी) काे विषयमा पार्टीबाट निर्णय भई नसकेकाे बताएका छन् ।
पार्टीमा बहस चलिरहेकाे भए पनि निर्णय भईसकेकाे छैन, सचिवालयकाे बैठक बसे पछि मात्रै लिने नलिने निर्णय हुने बताएका छन् । राष्ट्रहित विपरित कुनै पनि काम पार्टीले निर्णय नगर्ने समेत बताएका छन् ।
राष्ट्रिय सभा निर्वाचनकाे सन्दर्भमा नेपाल कम्युनिष्ट पार्टी (नेकपा) नवलपुरद्वारा आयाेजना गरिएकाे उम्मेद्वार, मतदाता र अगुवा कार्यकर्ता बीच भेटघाट कार्यक्रममा कावासाेती आएका पार्टी प्रवक्ता श्रेष्ठले पार्टीकाे वैचारिक कार्यदिशा र राजनैतिक कार्यदिशाकाे बारेमा प्रष्ट पारेका थिए ।
कार्यक्रमका श्रेष्ठले राजनीतिक परिवर्तन र क्रान्तिलाई नयाँ प्रयाेगमा लान पार्टी एकता भएकाे बताएका थिए । राम्राे काम गर्न समय लाग्ने भएकाले सरकारकाे काम राम्राे देखिन समय लागेकाे बताएका थिए ।
साेही कार्यक्रममा प्रवक्ता श्रेष्ठले ७७ सालमा पार्टीकाे महाधिवेशन हुन्छ र साेही समयसम्म हाम्रा विवादमा रहेका कुराहरूलाई थाती राखेकाे पनि बताए । गण्डकी प्रदेशबाट राष्ट्रिय सभा निर्वाचनकाे उम्मेदवार समेत रहेका नारायणकाजी श्रेष्ठ र भगवती न्याैपाने नवलपुरमा रहेकाे भेटघाट कार्यक्रममा आईपुगेका हुन् ।
यही माघ ९ गते राष्ट्रिय सभाकाे निर्वाचन मार्फत् १८ जना सदस्यहरू निर्वाचित हुनेछन् र १ जना राष्ट्रपतिले मनाेनित गर्नु हुनेछ । १८ मध्ये १६ सदस्यमा ने क पाले उम्मेदवार दिएकाे छ भने २ सदस्य २ नं. प्रदेशमा राजपालाई समर्थन गर्दै अाफ्नाे उम्मेदवार दिएकाे छैन ।
नेपाल कम्युनिष्ट पार्टी (नेकपा) नवलपुरका जिल्ला अध्यक्ष राेशन बहादुर गाहाकाे अध्यक्षतामा कार्यक्रम कावासाेतीकाे सितारा पार्टी प्यालेसमा सम्पन्न भएकाे हाे ।
