गैडासँग मोटरसाइकल ठक्कर खाँदा घाइते मध्ये १ जनाको मृत्यु
नवलपुर । पूर्वपश्चिम राजमार्ग अन्तरगत नवलपुरको कावासोती ८ खरकट्टा जंगलमा गैडासँग मोटरसाइकल ठक्कर खाएर घाइते भएका मध्ये एक जनाको मृत्यु भएको छ ।
जिल्ला प्रहरी कार्यालय नवलपुरका अनुसार बुटवलबाट काठमाडौं जाँदै गरेको ना ३३ प ४२४२ नम्बरको मोटरसाइकल कावासोती ८ खरकट्टा जंगलमा गैडासँग ठक्कर खाएको थियो ।
दुर्घटनामा परी घाइते भएका मोटरसाइकल चालक दोलखा बैतेश्वर गाउँपालिका ४ घर भई हाल काठमाण्डौ कागेश्वरी मनहरा नगरपालिका ७ बस्ने ३५ को कृष्ण दाहालको निधन भएको हो ।
दुर्घटनामा परी घाइते भएका मोटरसाइकल पछाडि सवार ३२ बर्षीय प्रदिप न्यौपानेको नयाँ मेडिकल कलेज भरतपुरमा उपचार भईरहेको छ ।
