सुरजले छाडे इन्स्टाग्राम

216












बलिउडका कलाकारहरु अत्याधिक ट्रोलको शिकार भएपछि सामाजिक संजालबाट बाहिरिन थालेका छन् । नायिका सोनाक्षी सिन्हाले ट्विटर एकाउन्ट बन्द गरिसकेकी छिन् । आलिया भट्ट, करण जोहर जस्ता बलिउडकर्मीले सामाजिक संजालमा कमेन्ट बक्स बन्द गरेका छन् ।
अब, नायक सुरज पंचोलीले इन्स्टाग्रामबाट बाहिरिने निर्णय लिएका छन् । नायक सुशान्त सिंह राजपुतको निधन भएपछि निरन्तर ट्रोलको शिकार भएका सुरजले इन्स्टाग्राममा रहँदा आफूलाई श्वास लिन गाह्रो भएको उल्लेख गरेका छन् ।
उनले लेखेका छन्–‘हामी फेरि मिल्नेछौ, इन्स्टाग्राम । आशा गर्दछु कि फेरि हाम्रो भेट हुँदा यो दुनियाँ सुन्दर हुनेछ । मलाई श्वास लिन जरुरी छ, किनकी मलाई अहिले समस्या भैरहेको छ ।’
सुरजले इन्स्टाग्रामबाट आफ्ना सम्पूर्ण तस्वीर हटाएका छन् । उनले मैनबत्ती बल्दै गरेको एक तस्वीर मात्र इन्स्टाग्राममा राखेका छन् ।



You might also like
Loading...