चितवनमा बसकाे ढाेकाबाट खसेर पाल्पाका १ जनाकाे निधन
भरतपुर । बसको ढोकाबाट खस्दा एक जनाको मृत्यु भएको छ । बुटवलबाट काठमाडौँतर्फ गइरहेको बसको नम्बर लु १ ख १७ रहेको प्रहरी प्रदेश कार्यालय हेटौँडाले जनाएको छ ।
प्रदेश प्रहरीले सार्वजनिक गरेको विवरणअनुसार भरतपुर–२९, जुगेडी पुलछेउमा उक्त घटना भएको हो ।
बसको ढोकाबाट सडकमा खसेका पाल्पा अर्गेलीका ३६ वर्षीय अशोक भट्टराईको उपचारका लागि चितवन मेडिकल कलेज ल्याइएकामा उपचारकै क्रममा मृत्यु भएको प्रहरीले जनाएको छ ।
घटनापछि बसका चालक मकवानपुर जिल्ला हेटौँडा उपमहानगरपालिका–१४ बस्ने वर्ष ५२ का लुलाबाबु थिङ र बस इलाका प्रहरी कार्यालय मुग्लिनको नियन्त्रणमा रहेको प्रहरीले जनाएको छ ।
