बृहस्पतिको चन्द्रमा ‘युरोपा’ मा अक्सिजन उत्पादनको क्रम बढिरहेको नासाको अध्ययन

काठमाडौं । पृथ्वी बाहिर हाम्रो सौर्यमण्डलको सबैभन्दा ठूलो ग्रह बृहस्पतिको चन्द्रमा युरोपाले यति धेरै अक्सिजन उत्पादन गरिरहेको छ, जुन १० लाख मानिसका लागि पर्याप्त भएको नासाले उल्लेख गरेको छ।

नयाँ अध्ययनमा यो जानकारी आएको हो। युरोपाले पहिलेको अनुमानभन्दा बढी अक्सिजन उत्पादन गरिरहेको खुलासा भएको छ।

नेचर एस्ट्रोनोमीमा प्रकाशित एक अध्ययनले देखाउँछ कि युरोपाको हिउँको सतहबाट दैनिक करिब १,००० टन अक्सिजन निस्कन्छ, जसले १० लाख मानिसलाई २४ घण्टासम्म सास फेर्न सक्ने ठाउँ प्रदान गर्न सक्छ। यो जानकारी प्राप्त गर्न नासाको जुनाई मिसनले महत्त्वपूर्ण भूमिका खेलेको छ।

जुनो अन्तरिक्ष यानले धेरै वर्षदेखि बृहस्पति र यसको चन्द्रमाको बारेमा जानकारी सङ्कलन गर्दै आएको छ। अन्तरिक्ष यानमा राखिएको जेडीई इन्स्ट्रुमेन्टको डाटा प्रयोग गरेर वैज्ञानिकहरूले यो अध्ययन गरेका हुन्। दुई वर्षअघि, सेप्टेम्बर २०२२ मा, जुनोले युरोपा नजिकै उडान भरेको थियो। त्यसबेला सङ्कलन गरिएको तथ्याङ्क अध्ययन गरेपछि बृहस्पतिको यो चन्द्रमामा धेरै मात्रामा अक्सिजन निस्किरहेको पाइएको थियो।

सुरुमा, वैज्ञानिकहरूले अनुमान गरे कि युरोपामा अक्सिजन उत्पादन केही पाउन्ड देखि २,००० पाउन्ड प्रति सेकेन्ड सम्म हुन्छ। अब यो अनुमान गरिएको छ कि युरोपाले यो भन्दा बढी अक्सिजन छोड्छ। यो अध्ययन यसकारण पनि महत्त्वपूर्ण छ किनभने वैज्ञानिकहरूले युरोपाको बरफको सतह मुनि ठूलो महासागर हुनसक्ने अनुमान गरेका छन्। यदि अक्सिजनको उपस्थिति छ भने, यो यस ग्रहमा जीवनको विकासको महत्त्वपूर्ण संकेत हुन सक्छ।

यस अध्ययनले नासाको मनोबल बढाएको छ, किनभने अन्तरिक्ष एजेन्सीले आगामी दिनहरूमा युरोपा क्लिपर मिसन प्रक्षेपण गर्न लागेको छ। यस वर्षको अन्त्यसम्ममा उडाइने मिसनको उद्देश्य युरोपाको बारेमा गहन जानकारी सङ्कलन गर्नु हो।