भारतमा प्रहरीकै वेबसाइट ह्याक, ६ घण्टा पछि रिकभर गरियो
छिमेकी देश भारतमा प्रहरीको आधिकारीक वेबसाइट नै ह्याक भएको छ । भारतको इन्दौ र पुलिसको आधिकारिक वेबसाइट ह्याक गरिएको बताईएको छ। विज्ञहरूले यसलाई ६ घण्टामा पुन: प्राप्ति गरे।
ह्याकरहरूले अतिरिक्त एसपी जोन २ का सबै अफिसरको नाम अगाडि मोहम्मद बिल्ला फ्री कश्मीर र पाकिस्तान जिंदाबादद्वारा ह्याक गरिएको लेखेका थिए। राज्यको डीजीपी र आईजी इन्दौरको प्रोफाइलको सट्टा भारतको तिरंगा झण्डा गलत ढंगले राखिएको थियो। यस बारेमा प्रहरीले तत्काल केही भन्न अस्वीकार गरेको छ। आरोपीको खोजी पनि जारी रहेको भारतीय मिडियाहरुले जनाएका छन् ।
मंगलबार ह्याकिङ्गको खबर पाउने बित्तिकै इन्दौर अपराध शाखाको साइबर टोलीले एक्सन लिएको थियो भने वेबसाइट पुन: प्राप्ति पछि ह्याकर्सको बारेमा जानकारी संकलन गर्न खोज्दै छन्। वरिष्ठ प्रहरी अधिकारीहरूले यस बारेमा केहि सार्वजनिक रुपमा बोल्न अनिच्छुक भएको बताईएको छ ।
मोहम्मद बिलाल नाम गरेको पाकिस्तानी ह्याकरले पहिले पनि भारतका वेबसाइटहरु ह्याक गरिसकेका छन् ।
मोहम्मद बिलाल नामका पाकिस्तानी ह्याकरले यसभन्दा अघि दिल्ली भाजपाको वेबसाइट पनि ह्याक गरेका थिए। नोभेम्बर २०१९ मा, दिल्ली भाजपाको वेबसाइटलाई पाकिस्तान र कश्मीर जिन्दाबाद पनि लेखिएको थियो।
पुलिसले उक्त वेबसाइटको छेडछाड गरिएको आईपी ठेगाना फेला पार्नका लागि पनि काम गरिरहेको छ। अहिले सो वेबपेजलाई पूर्ण रूपमा अवरुद्ध गरिएको मिडिया रिपोर्टमा उल्लेख छ।
